雖然沙田開鑼戰以後上馬表現較出色，但今次回師谷草，情況隨時來個大逆轉，查看上季谷中首戰，放頭馬佔相當優勢，八場頭馬之中，竟有半數即四場係一放到底，要知道每場12駒之中，只有一駒是放頭，能夠有四場頭馬走位係全1，所佔優勢非常明顯。
今次第七場三班1200米，「小鳥敖翔」向來靠放食胡，今次同場會鬥搶的不外乎「獎金大王」，但一來排在「小鳥敖翔」外側的9檔，二來潘頓試閘後放手，因此從客觀條件睇，還是以「小鳥敖翔」較上風。
事實上，「小鳥敖翔」埋門由賀銘年試泥地大閘，搶出後愈走愈勁輕勝三位多，看來狀態能夠承接到上季尾入Q的水準，況且此駒由上季初至今評分減幅已不少，今季反彈亦不奇。再者，姚本輝開鑼戰出七駒，其中五駒用見習生，餘下兩駒用波健士及潘明輝，今次出四駒不算多，但就悉數用大師傅，當中有三駒更用洋將，其中「小鳥敖翔」屬騎練季內首次合作，估計鬥志必然十足十。
【分秒在握】谷草開鑼戰 主動夠着數